يازين الهجر انا مااطيق

Admin عدد المساهمات : 2765 تاريخ التسجيل : 17/04/2011

طلبت مهلة لجل ترتاح وتفيق
والمشكلة مهلتك طالت عليه

معقولة مزحة خلتك مني تضيق
وحطيتها يانور عيني قضيه

حلفت بالله رب المخاليق
إني معك مارضى عليك الخطيه

الله لو انك على قلبي تويق
وتشوف كيف الحب والعاطفيه

والمزح دارج بين كل العشاشيق
كم ليلة (ن) يازين قصرت فيه

اصبر على التقصير لو كان مايليق
واقول هذي غلطةٍ (ن) مطبعيه

من بيننا عهد ٍ قديم ومواثيق
لو كان كلن رايح ٍ في نحيه

يازين انا للهجر والبعد ماطيق
بقدم المعدال وابغى الوسيه

من بيننا تحكم وجية المطاليق
والحق يرجع للنفوس البريه

اما انهزمت وثق العلم توثيق
ولا ربحت وعود الحق ليه

وسجيت رجلي بين غرب (ن) وتشريق
وارتاح بالي في الديار العذيه

من شرقي الحره لضلع المرازيق
ومن شعر حتى تاصل الحايريه

عسى الربيع يعم ذيك الشواهيق
و تمطر عليها المزنه العقربيه

دار الذي حبه بوسط المعاليق
مهما عرفت الناس مافيه زيه

لولاه ماغنيت زين الطواريق
هذا الهوى من يوم بقعا صبيه

يحرق قلوب اللي يحبون تحريق
واكبر دليله قيس والعامريه

» روحي تبي قربك يازين لقياك